stelton Emma Instrucciones De Uso página 27

UI
Ilitsersuutit
Iffiukkanut sikalaartitsivik manissumut kissattanngitsumullu
inissiguk. Innaallagissamut ikkuffia ikkuguk. Iffiukkanut
sikalaartitsivik atunnginnerani ipiusinnaasut peerniarlugit
iffiugartaqartinnagu kissaguk. Sikatsineq sivisunerpaamut
inissiguk. Tulliattut, iffiukkanut ammukartitsissut tooruk.
Iffiukkanut ammukartitsissut sivitsunngitsoq qullassaaq
sikatsitsissullu atorneqarnissamut piariissalluni.
Iffiugaq ilitsivinnut iliguk sikatsinnissaatalu sakkortussusissaa
(1-7) inissillugu. Sakkortussuseq 1 sikatsitsinermi
sivikinnerpaavoq 7-ilu sivisunerusumik sikatsitsinerulluni
(sikatsitsinermi taarnerpaaq). Qaffasinneruguni sikatsinnera
sivisunerussaaq. Iffiukkanut ammukartitsissutaa ammut
naqikkukku sikalaartitsivik aallartissaaq.
Malugiuk, iffiukkat panertut iffiukkanit paninngitsunit
sivikinnerusumik sikalaartinneqassammata.
PINGAARUTILIK! Sikatsitsissut innaallagissamut
ikkusimanngippat iffiukkanut ammukartitsivik
parnaaqqanavianngilaq.
Sikatsitsineq piareerpat, iffiukkanut ammukartitsivik
nammineerluni qullassaaq sikatsitsineralu unissalluni.
Iffiukkap ilitsiviata qullannginnerani sikatsitsinera
naammatsiinnarniarukku "Stop" tooruk.
Iffiukkamik ataasiinnarmik sikalaartitsiniaruit iffiukkanut
ilisivinni marlunni iffiugaqartarneraniit sakkortussusaa
appasinnerutissavat. Matumani iffiukkamut ilitsiviup
imaqanngitsup kissassusaata aappaanut nuuttarnera
peqqutaavoq. Taamaammat iffiugaq kissassutsimik
qaffasinnerusumik kissanneqassalluni.
Iffiugaq sikalaartitsivimmit peernaviissappat, anillatsittaataa
tooruk, sikalaartitallu nillarserlugu. Iffiukkanut sikalaartitsivik
illuatungaanut saatseriarlugu mianersorlutit aalatillugu
iffiugaq anillatsiguk. Tamanna iluatsinngippat, mianersorlutit
iffiugaq anillatsinniarsariuk. Atortorissaarutit savimerngit
atussanngilatit kissaanermullu atortorissaarutai
attornaveersaakkit taakkumi innarlerneqarpata
qularnaveeqqusiissutaa atorneqarsinnaanngilaq.
Iffiukkat angivallaartut sikalaartitsivimmut
ikinngisaannakkit. Peernaveersinnaappummi.
Toortakkap "Defrost"-ip iffiukkat qerisut qerititsivimmiit
toqqaannartumik sikalaartissinnaatippai.
Toortakkap "Bagel"-ip iffiukkat illuatungaannaa kisiat
sikalaartissinnaavaa. Ikittaatai tamarmik sikalaartitsineq
aallartikkaangat ikittarput.
Malugiuk, "Defrost" aamma "Bagel" ataatsikkut
atorneqarsinnaanngimmata.
Defrost - Aatsitsissut
Bagel - Peqingasoq
52
Aserfallatsaaliuineq
Sikatsitsissut eqqiannginnerani nillorseeqqaartaruk.
Sikalaartitsissut qamiguk innaallagiamullu attavia
peerlugu. Iffiukkat sequnneri sikalaartitsiviup ataanut
iffiukkap sequnnerinut nakkaavimmut katersuuttarput.
Sequnnernut nakkaavik toorlugu anillatsinneqartarpoq.
Anillappat ikkuteqqinnginnerani ass. kumigutinik
saleqqaaruk.
Sikatsitsiviup silataa annoraaminermik isugutattumik
saliguk panertuummillu allarummilluunniit panerterlugu.
Eqqiaatit sioraasat atortulluunniit kigartuisartut allat
atunngisaannakkit, taakkumi atortorissaarutip qaava
innarlersinnaavaat.
ISUMANNAASSUSEQ
1. Atulertinnagu ilitsersuutaa atuarluaqqissaaruk,
siunissamilu atoqqinnissaanut toqqorlugu.
2. Atortorissaarut illumi innaallagissanut ikkuffinnut 220-240
V-imut taamaallat attavilertaruk, atorneqarfissaanullu
kisiat atorlugu.
3. Atortorissaarut atorunnaaraangakku innaallagiamut
atajunnaartittaruk.
4. Atortorissaarut imermut imerpalasunulluunniit allanut
misunneqassanngilaq.
5. Atortorissaarut meeqqanit arfineq-
pingasuleereersimasunit atorneqarsinnaavoq
aammalu inuit timikkut, malussarissutsikkut
tarnimikkullu piginnaasakitsut ilisimasaqarpianngitsullu
atortorissaarutip isumannaatsumik atornissaanut
ilitsersorneqareernermi navianarsinnaasunilli
ilisimatinneqareernermi kingorna atorsinnaavaat.
6. Meeqqat atortorissaarummik pinnguannginnissaat
nakkutigineqassaaq. Meeqqat navianarsinnaasut
paasiuminaatsissinnaasarpaat. Meeqqat
atortorissaarutinik elektroniskiusunik
akisussaassuseqartumik iliuuseqartarnissaannik
ilinniartikkit.
7. Eqqiarnera aserfallatsaaliorneralu meeqqanit
isumagineqassanngilaq, aatsaat arfineq-
pingasuleereersimagunik nakkutigineqarunillu
isumagisinnaavaat.
8. Atortorissaarut ledningitaalu meeqqanut arfineq-
pingasut inorlugit ukiulinnut inornartumiitikkit.
9. Ledningi nerriviup killingani nivinganersoq misissoruk.
10. Atortorissaarut kissarsuummut, kissartuutip eqqaanut,
innermut assigisaanulluunnit inississanngilat.
11. MIANERSOQQUSSUT: Iffiugaq qilussinnaavoq.
Taamaammat sikatsissut ikuallajasut eqqaanni soorlu
saagut ataanni atussanngilat. Iffiukkanut sikatsissutip
nakkutigineqarnerani taamaallaat atorneqassaaq.
12. MIANERSOQQUSSUT: Atortorissaarutip atorneqarnerani
qaava kissassinnaavoq, taamaammat
atorneqarnerani attussanngilat.
13. Savimerngit sikatsissutip iluani qaavanilu
atunngisaannakkit kissattaataalu attunngisaannaruk.
14. MIANERSOQQUSSUT: Navianartoqalernissaa
pinaveersaarlugu atortorissaarutip
pilersaarutaanngitsumik aallartinnerata ajutoornerani
kissassinnaajunnaarneraniluunniit atortorissaarutinik
allanik atortulerneqaqqusaanngilaq, soorlu piffissamik
aqutsissummik attavimmilluunniit kaaviiaartumik,
ikitsissutaasinnaasumik qamitsissutaasinnaasumillu
atortulerneqaqqusaanngilaq.
15. Atortorissaarutip atulinnginnerani arlaatigut
atortutigut ajoquteqarnersoq misissoqqaaruk.
16. Sallimanissamut atatillugu innaallagissap ikitap
atortuanik (RCD) ikkussisoqarnissaa ingerlatsinermilu
innaallagissap 30 mA qaangissanngikkaa
innersuussutigineqarpoq. Ikkussuisartut
siunnersorneqarnissamut aperiuk.
17. Atortorissaarut illup iluani taamaallaat atugassiaavoq.
18. Atortorissaarutip siunertaaniit siunertanut allanut
atorneqarnerani ilitsersuutigineqartumiluunniit
allassimasut malinnagit atorneqarnerani
kingunerineqartut atuisup nammineq
akisussaaffigissavai. Atortup aserorneri allalluunniit
qularnaveeqqusiinermut ilaanngillat.
19. Innaallagissamut aqqutaa aserorsimappat,
ajoqquserfigisaa pinngitsoorniarlugu, fabrikkimigaaniit
taarserneqassaaq, fabrikki sinerlugu aaqqisuisartuaniit
imaluuniit taamatut iliniarsimasumiit.
Maalaaruteqarneq
Inatsit naapertorlugu maalaaruteqarnissamut
pisinnaatitaaffeqarputit. Pisiarineranut uppernarsaat,
maskinamik naqitaq, pisiarinerani ullulerneqarsimasoq
maalaaruteqarnermi ilanngunneqassaaq.
Maalaaruteqarnermi iffiukkanut sikatsitsivik
pisiarineqarfianut utertinneqassaaq.
Iffiukkanut sikatsitsivimmik igitsineq
Elektronikkit innaallagiarsortullu atortui
atorneqaqqissinnaasunngorlugit
iginneqarnissaat inatsisitigut piumasaqaataavoq.
Atortorissaarutit innaallagissamoortut
nalunaaqutserneqarsimappata
atoqqitassanngortitsivimmut iginneqassapput.
Teknikkikkut paasissutissat
Emma toaster
Art. No: x-222-1
220-240 V – 50-60 Hz
870-1030 W
Allannguisinnaallunilu pitsanngorsaasinnaatitaavoq.
Stelton A/S
Christianshavns Kanal 4
1406 Copenhagen K
Denmark
UI
53