Fyrsta Notkun; Vinnuleiðbeiningar; Vinna Með Keðjuskerpinum - Hurricane HKSA 220-2 Manual Original – Indicaciones De Seguridad – Repuestos

Fyrsta notkun

Straumtenging
Berðu spennuna sem gefin er upp á merkisspjaldi tækisins, t.d.
230 V, saman við veituspennuna og tengdu keðjuskerpinn við
jarðtengda innstungu með passandi spennu.
Riðstraumsmótor:
Fyrir evrópska jarðtengda innstungu, 230 volta
veituspennu með lekastraumsrofa (30 mA) og 10 ampera
hikvari.
Notaðu rafsnúru og undir atvikum framlengingarsnúru með
minnst 1,5 mm² þversnið
Kveikt á tækinu
Notaðu aldrei raftæki ef ekki er hægt að kveikja og slökkva
á því með rofanum. Bilaða rofa verður að láta
viðgerðarþjónustu skipta um þegar í stað.
Ýttu á „I" á straumrofanum.
Slökkt á tækinu
Til að slökkva á tækinu ýtirðu á „0" á straumrofanum.
Vinnuleiðbeiningar
Athugaðu eftirfarandi atriði áður en vinna hefst:
Er röð og regla á vinnustaðnum?
Er keðjuskerpirinn festur á hefilbekk eða vinnuborð?
Tækið máttu ekki taka í notkun fyrr en þú hefur lesið þessar
notkunarleiðbeiningar, tekið allar ábendingar til greina og
sett tækið upp eins og hér er lýst.
Vinna með keðjuskerpinum
Öryggishlífin (20) verður að hylja slípiskífuna að
eins miklu leyti og hægt er.
Til þess þarf að losa báðar hetturærnar (14) og stilla
hlífina eins og við á.
Gættu þess að halda höndunum alltaf í öruggri
fjarlægð frá slípiskífunni þegar hún snýst.
Slípiskífuna sem er á vélinni frá verksmiðju má eingöngu
nota til að skerpa keðjur á tómstunda-keðjusögum (6,35
mm (1/4"), 9,52 mm (3/8") tómstunda- og 8,255 mm
(0,325") sögunarkeðjum). (Einnig er hægt að fá slípiskífu
100 x 4,5 x 10 mm, vörunr. 363718 fyrir keðjur í sögum fyrir
atvinnumenn).
Notaðu aldrei skemmdar slípiskífur eða skífur sem breytt
hafa um lögun.
Byrjaðu ekki að vinna fyrr en slípiskífan hefur náð hámarks
snúningshraða.
Það má aðeins skerpa sögunarkeðjur sem hægt er að
leggja örugglega á og draga í gegn.
Farðu undantekningarlaust eftir öllum öryggisábendingum
(sjá „Öryggi við vinnu").
Vinna með keðjuskerpinum
Skerping á sögunarkeðjum
Áður en einhverri stillingu tækisins er
breytt:
− Slökktu á tækinu
− Bíddu þar til slípiskífan hefur stöðvast
− Taktu rafmagnsklóna úr sambandi
Skerping allra saghlekkja keðjunnar
Til að skerpa eggjar á saghlekkjum er farið þannig að:
1. Fyrst þarftu að stilla inn slípihornið: Eftir að þú hefur losað
festiróna (7) snýrðu snúningsdiskinum á ca. 30° og herðir
festiróna aftur.
Yfirleitt eru eggjar saghlekkjanna skerptir í horn milli
30 og 35 gráður.
2. Losaðu festiskrúfuna (3b) og leggðu sögunarkeðjuna í
raufina (6) og eftir stýrirennunni (5).
3. Ýttu keðjustopparanum (4) niður og togaðu
sögunarkeðjuna hæfilega langt til baka svo
saghlekkurinn sem á að skerpa liggi upp að stopparanum.
4. Til fínstillingar þrýstirðu slípihausnum (13) upp að
saghlekknum. Síðan stillirðu með festiskrúfunni (3a)
fjarlægðina þannig að slípiskífan snerti saghlekkinn. Stilltu
auk þess brýnsludýptina með stilliskrúfunni (8).
5. Nú herðirðu festiskrúfuna (3b) → sögunarkeðjan er
tilbúin.
6. Brýndu nú gætilega eggina á saghlekknum.
Til þess að koma í veg fyrir skemmdir á
sögunarkeðjunni er mikilvægt að brýna eins stutt og hægt
er og ekki meira efni af en þarf.
7. Brýndu aðra hverja egg með því að endurtaka þrep 5 og 6
Merktu fyrsta saghlekkinn, t.d. með krítarmerki.
Þannig kemurðu í veg fyrir að þú brýnir sömu saghlekkina
tvisvar.
8. Snúðu snúningsdiskinum um 30° í hina áttina og
brýndu eggjarnar sem eftir eru eins og að ofan er lýst.
Fínstilling á dýptarstoppi
Ef búið er að brýna allar eggjar á saghlekkjunum er
sögunarkeðjan þín hvöss og skörp – en samt er hugsanlegt að
hún sagi ekki vel.
Til þess þarf dýptarstoppið alltaf að vera stillt á rétta hæð (=
hæðarmismun milli dýptarstopps og sagtannar). Venjulega er
þessi hæðarmunur 0,5 – 0,8 mm.
146
Saghlekkur
að