EKO Device Eko CORE Manual Del Usuario página 639

Konfigurimi i një kodi PIN
Krijoni një kod PIN të sigurt me 4 shifra duke u identifikuar në
aplikacionin për celular. Shkoni tek ekrani i menysë duke zgjedhur
ikonën në krye majtas në ekranin bazë të aplikacionit celular.
Më pas zgjidhni Account Settings (Cilësimet e llogarisë) > Create Pin
(Krijoni kodin PIN). Ndiqni udhëzimet në ekran për të krijuar dhe për të
ruajtur një kod PIN me 4 shifra. Do të duhet ta futni dy herë kodin PIN
për verifikim.
Shtimi i shënimeve te regjistrimet në aplikacionin celular
Për të krijuar shënime në regjistrimet e një pacienti, identifikohuni në
aplikacionin celular. Hyni te lista e pacientëve duke zgjedhur skedën
e pacientëve në krye djathtas në ekranin bazë. Zgjidhni pacientin e
dëshiruar dhe zgjidhni një regjistrim për të shtuar shënime në të.
Në fund të ekranit të regjistrimeve zgjidhni ikonën e shënimeve. Ikona e
shënimeve duket si një letër ngjitëse Post-It® me shkrim në të. Zgjidhni
"Add Note" (Shtoni një shënim) dhe filloni të shkruani shënimin tuaj.
Zgjidhni shenjën e zgjedhjes për ta ruajtur.
Përdorimi i CORE
Kur përdorni CORE për të vlerësuar dhe për të regjistruar tingujt
e zemrës, është më mirë ta vendosni stetoskopin CORE në pikat
standarde të dëgjimit në paretin e jashtëm të kraharorit siç tregohet më
poshtë me pika TË ZEZA (referojuni Figurës 4a).
Kur përdorni CORE për të vlerësuar dhe për të regjistruar tingujt e
mushkërive, është më mirë ta vendosni stetoskopin CORE në pikat
standarde të dëgjimit në paretin e jashtëm të kraharorit siç tregohet më
poshtë me pika të zeza dhe blu (referojuni Figurës 4).
Ana e diafragmës së stetoskopit duhet të vendoset në paretin e
kraharorit të përdoruesit për të vlerësuar tingujt e zemrës si dhe të
mushkërive. Përdorni vetëm kupën (ose kupën e mbyllur) të stetoskopit
kur vlerësoni tingujt me frekuencë të ulët siç rekomandohet nga mjeku
(referojuni Figurës 2).
diafragma
kupa e mbyllur
kupa
e hapur
Figura 3
639