Metabo W 22-180 MVT Manual Original página 143

Тұтқышты реттеуге арналған түйме (10):
қажет болса, түймеден кірді сорып немесе
құрғақ ауамен үрлеп тазартыңыз (басылған
күйде, негізгі тұтқыштың барлық 3 күйінде). Бұл
әрекеттің алдында электрлік құралды қуат
көзінен ажыратып, қорғаныш көзілдірік пен
респираторды киіп алыңыз.
10. Ақаулықтарды жою
Түр тақтайшасында «WE...» белгісі бар
аспаптар:
- Артық жүктемеден қорғаныс: электрондық
сигналдық индикатор (6) жанып, жүктеме
астындағы айналу жиілігі ҚАТТЫ
төмендейді. Қозғалтқыш температурасы тым
жоғары! Аспапты суығанша және электрондық
сигналдық индикатор сөнгенше бос жүріс
күйінде жұмыс істетіңіз.
- Артық жүктемеден қорғаныс: электрондық
сигналдық индикатор (6) жанып, жүктеме
астындағы айналу жиілігі АЗҒАНТАЙ
төмендейді. Аспапқа артық жүктеме түсті.
Электрондық сигналдық индикатор сөнгенше
жұмысты төмендетілген жүктемемен
жалғастырыңыз.
- Электрондық қауіпсіздік ажыратқышы:
электрондық сигналдық индикатор (6)
жанып, аспап өздігінен ӨШЕДІ. Токтың
артуы тым жылдам болған (мысалы, кенет
бұғатталған немесе кері соққы тиген)
жағдайда, аспап өшеді. Аспапты батырма
ауыстырып-қосқыш (9) арқылы өшіріңіз. Содан
кейін қайта қосып, жұмысты әдеттегідей
жалғастырыңыз. Кейінгі бұғатталуға жол
бермеңіз. 4.2 бөлімін қараңыз.
- Қайта іске қосылудан қорғаныс:
электрондық сигналдық индикатор (6)
ЖЫПЫЛЫҚТАП, аспап жұмыс істемейді.
Қайта іске қосылудан қорғаныс іске қосылды.
Аспаптың қосулы күйінде желілік аша
розеткаға салынған немесе электр қуатымен
жабдықтау үзілгеннен кейін қалпына келген
жағдайда, аспап іске қосылмайды. Аспапты
өшіріп қайта қосыңыз.
- Аспап қосылған кезде максималды айналу
жиілігіне дейін өте жылдам үдейді, яғни іске
қосу тогын автоматты түрде шектегіш
(бірқалыпты іске қосу) қызмет етпейді.
Электрондық блокта ақаулық орын алды,
электрондық блок функцияларына қатысты
қауіпсіздік техникасы бойынша басқа
нұсқаулар көрсетілмейді. Аспапты дереу
жөндетіңіз (12.-бөлімді қараңыз).
W 22-180 MVT, W 22-230 MVT, W 24-180 MVT,
W 24-230 MVT, W 26-180 MVT, W 26-230 MVT:
- Қосу процестері кернеудің қысқа мерзімді
төмендеуін тудырады. Жағымсыз желі
параметрлерінде басқа құрылғылар істен
шығуы мүмкін. Толық желі қарсылығы 0,2 Ом
шамасынан кем болғанда, ақаулықтардың
ықтималдылығы төмен болады.
11. Керек-жарақтар
Тек қана түпнұсқа Metabo керек-жарақтарын
қолданыңыз.
Тек қана осы пайдалану бойынша нұсқаулықта
келтірілген талаптар мен сипаттарға сай келетін
керек-жарақтарды пайдаланыңыз.
Керек-жарақтарды берік бекітіңіз. Аспап
ұстағыш ішінде пайдаланылған жағдайда:
аспапты берік бекітіңіз. Бақылау мүмкіндігінен
айырылсаңыз, жарақат алуыңыз мүмкін.
4-бетті қараңыз.
Әрдайым тек өндірістік тапсырмаға
жарамды алмалы-салмалы құралды және
белгіленген қорғаныш қалпақты пайдаланыңыз.
5-бетті қараңыз. (Суреттер мысал ретінде
берілген).
Өндірістік тапсырма:
1 = үстіңгі бетімен ажарлау
2 = абразивті кесу
3 = саңылау бұрғылау
4 = сым қылшақтармен жұмыс істеу
5 = егеуқұм қағазымен ажарлау
Алмалы-салмалы құралдар:
1.1 = сиыра ажарлағыш дөңгелек
1.2 = ажарлағыш бастиек (керамикалық)
2.1 = «металл» кескіш дөңгелегі
2.2 = «кірпіш қалау/бетон» кескіш дөңгелегі
2.3 = «кірпіш қалау/бетон» алмасты кескіш
дөңгелегі
2.4 = екі мақсатты кескіш дөңгелектер (құрама
ажарлағыш және абразивті кескіш
дөңгелектер)
3.1 = алмасты бұрғылау коронкалары
4.1 = домалақ қылшақ
4.2 = табақшалы қылшақ
5.1 = ламельді тіреуіш ажарлағыш табақшалар
5.2 = қажақсыдырғыларға арналған тіреуіш
ажарлағыш табақшалар
белгіленген қорғаныш қалпақ:
A түрі = кескіш дөңгелекке арналған қорғаныш
қалпақ
B түрі = ажарлауға арналған қорғаныш қалпақ
C түрі = ажарлауға және абразивті кесуге
арналған қорғаныш қалпақ (қисындасу)
D түрі = ажарлағыш бастиекке арналған
қорғаныш қалпақ
F түрі = абразивті кесуге арналған ауа тартатын
қорғаныш қалпақ
Қосымша керек-жарақтар:
(www.metabo.com веб-сайтын да қараңыз)
A Металды кесуге арналған бағана
B Қыспа гайка (14)
C Quick қыспа гайкасы (1)
Керек-жарақтардың толық тізімін
www.metabo.com сайтында немесе негізгі
каталогтен қараңыз.
12. Жөндеу
Электрлік құралда жөндеу жұмыстарын тек
қана электрші маман өткізуі тиіс!
ҚАЗАҚША kk
143