Bosch Purion 200 Instrucciones De Servicio Originales página 90

Íslenska – 4
Athugaðu: Breytta stillingin heldur sömu stöðu, sama heiti
og sama lit á öllum hjólatölvum og stjórntækjum.
Samspil drifeiningar og gírskiptingar
Jafnvel þótt um rafhjól sé að ræða er gírskiptingin notuð með
sama hætti og á venjulegu reiðhjóli (sjá notendahandbók
rafhjólsins).
Óháð því um hvernig gírskiptingu er að ræða er mælt með því
að stíga léttar á fótstigin í stutta stund á meðan skipt er um
gír. Þannig verður auðveldara að skipta um gír og dregið er úr
sliti á aflrásinni.
Með því að setja í réttan gír er hægt að auka hraðann og
drægið án þess að leggja meira á sig.
Þess vegna skaltu fylgja ráðleggingunum um gírskiptingu sem
birtast í hjólatölvunni.
Kveikt/slökkt á ljósunum á hjólinu
Áður en hjólað er af stað skal ganga úr skugga um að ljósin á
hjólinu virki rétt.
Kveikt er á ljósunum á hjólinu með því að halda hnappinum
fyrir hjólaljós (5) inni í meira en 1 sekúndu.
Kveikt og slökkt á teymingarhjálp
Teymingarhjálpin getur auðveldað þér að teyma rafhjólið.
Hraðinn fyrir teymingarhjálpina er að hámarki 4 km/h.
Forstillingin frá framleiðanda getur verið lægri og hægt er að
láta söluaðila reiðhjólsins breyta henni ef þess þarf.
Aðeins má nota teymingarhjálpina þegar rafhjólið er
u
teymt. Ef hjól rafhjólsins snerta ekki jörðu þegar
teymingarhjálpin er notuð skapast slysahætta.
Ef valinn er of hár gír getur drifeiningin hvorki hreyft
u
rafhjólið úr stað né virkjað rennivörnina.
Teymingarhjálpin er sett í gang með því að halda hnappinum
fyrir teymingarhjálpina (6) inni í meira en 1 sekúndu og fylgja
leiðbeiningunum á skjánum.
Til að virkja teymingarhjálpina verður að gera eitthvað af
eftirfarandi innan næstu 10 sekúndna:
– Ýttu rafhjólinu áfram.
– Ýttu rafhjólinu aftur á bak.
– Hallaðu rafhjólinu til hliðar.
Þegar búið er að virkja teymingarhjálpina byrjar drifið að ýta
hjólinu og upplýsingarnar á skjánum breytast.
Þegar hnappinum fyrir teymingarhjálp (6) er sleppt er gert
hlé á teymingarhjálpinni. Hægt er að gera teymingarhjálpina
virka aftur með því að ýta á hnappinn fyrir teymingarhjálp (6)
innan 10 sekúndna.
Ef teymingarhjálpin er ekki gerð virk aftur innan 10 sekúndna
slekkur hún sjálfkrafa á sér.
Alltaf er slökkt á teymingarhjálpinni þegar
– afturhjólið læsist,
– ekki er hægt að hjóla yfir fyrirstöður,
– líkamshluti hindrar hreyfingu sveifarinnar á hjólinu,
– hindrun snýr sveifinni áfram,
– notandi stígur á fótstigin,
– ýtt er á hnappinn til að auka stuðning +/hjólaljós (5) eða
hnappinn til að kveikja/slökkva (1).
0 275 007 3RP | (28.02.2023)
Teymingarhjálpin er með rennivörn, sem þýðir að jafnvel þótt
teymingarhjálpin sé notuð hemlar drifið í nokkrar sekúndur
til að koma í veg fyrir að hjólið renni aftur á bak og ýmist er
ekki hægt að ýta rafhjólinu aftur á bak eða þá einungis með
erfiðismunum.
Slökkt er á rennivörninni um leið og ýtt er á hnappinn til að
auka stuðning +/hjólaljós (5).
Virkni teymingarhjálparinnar fer eftir reglum í hverju landi
fyrir sig og getur hún því ýmist verið með öðrum hætti en lýst
er hér að ofan eða óvirk.
ABS – hemlalæsivörn (aukabúnaður)
Ef rafhjólið er búið ABS-kerfi frá Bosch sem tilheyrir
kynslóðinni the smart system logar ABS-táknið þegar
rafhjólið er sett í gang.
Þegar hjólað er af stað framkvæmir ABS-kerfið innri
virkniprófun og ABS-táknið slokknar.
Ef villa kemur upp logar ABS-táknið og tilkynning birtist á
skjánum. Það þýðir að ABS-kerfið sé óvirkt. Hægt er að
staðfesta villuna með valhnappinum (4) og tilkynningin um
villu í ABS-kerfinu hverfur þá af skjánum. ABS-táknið birtist í
stöðustikunni og gefur áfram til kynna að slökkt sé á ABS-
kerfinu.
Nánari upplýsingar um ABS-kerfið og virkni þess er að finna í
notendahandbókinni fyrir ABS-kerfið.
Tengst við farsíma
Til þess að hægt sé að nota eftirfarandi eiginleika rafhjólsins
þarf farsíma með appinu eBike Flow.
Tengst er við appið með Bluetooth®.
Kveiktu á rafhjólinu án þess að hjóla af stað.
Settu Bluetooth®-pörunina í gang með því að halda
hnappinum til að kveikja/slökkva (1) inni (> 3 sek.). Slepptu
hnappinum til að kveikja/slökkva (1) um leið og staða
pörunar er sýnd.
Staðfestu fyrirspurnina um tengingu í appinu.
Virkniskráning
Til þess að skrá upplýsingar um virkni þarf að nýskrá sig eða
skrá sig inn í appinu eBike Flow.
Til þess að hægt sé að skrá upplýsingar um virkni þarftu að
samþykkja að staðsetningarupplýsingar séu vistaðar í
appinu. Þetta er nauðsynlegt til þess að hægt sé að skrá
virkni þína í appinu. Til þess að hægt sé að skrá
staðsetningarupplýsingar þarftu að vera skráð(ur) inn sem
notandi.
eBike Lock
Hægt er að virkja <eBike Lock> fyrir alla notendur með
appinu eBike Flow. Er þá vistaður lykill í farsímanum sem er
notaður til að taka rafhjólið úr lás.
Í eftirfarandi tilvikum er <eBike Lock> settur sjálfkrafa á:
– þegar slökkt er á rafhjólinu með stjórntölvunni
– þegar slökkt er sjálfkrafa á rafhjólinu
Rafhjólið er tekið úr lás þegar kveikt er á því og farsíminn er
tengdur við rafhjólið í gegnum Bluetooth®.
<eBike Lock> er bundinn við notandareikninginn þinn.
Bosch eBike Systems