3M PROTECTA CABLOC Manual Del Usuario página 242

6.0 ТЕХНИКАЛЫҚ ҚЫЗМЕТ КӨРСЕТУ, ҚЫЗМЕТ КӨРСЕТУ, САҚТАУ
6.1 Тексеруге қатысты техникалық қызмет көрсету мәселелерін 5.0 бөлімінде қараңыз. Ұстағыш арқан маймен, бояумен
немесе басқа заттармен қатты ласталса, оны жылы сабынды сумен тазалаңыз. Арқанда таза, құрғақ шүберекпен
сүртіп алыңыз. Жылудың көмегімен күштеп кептіруге болмайды. Арқанды зақымдауы мүмкін қышқыл немесе
күйдіргіш химикаттарды пайдалануға болмайды.
Қосымша техникалық қызмет және қызмет көрсету процедуралары шығарушы өкілетті қызмет көрсету орталығында
орындалуы қажет. Өкілеттік жазбаша түрде рәсімделуі тиіс.
Cabloc ажыратылатын арқан муфтасын жылы, сабынды сумен тазалауға болады.
Cabloc ажыратылатын арқан муфтасын салқын, құрғақ, таза ортада, тік күн сәулелерінен тыс сақтаңыз. Химиялық
заттардың буы бар жерлерден алыс ұстаңыз. Ұзақ уақыт сақталып тұрған муфтаны мұқият тексеріп шығыңыз.
Кез келген кесулерден, ылғалдан немесе ультракүлгін жарықтан қорғау үшін Cabloc жүйесін корпуста
тасымалдаңыз. Коррозивті, қызып кеткен немесе тоңазытылатын атмосфераларда ұстамаңыз.
 Муфтаны бөлшектеуге болмайды. Cabloc ажыратылатын арқан муфтасы бөлшектелсе немесе кез келген
түрде өзгертілсе, бұл ауыр жарақатқа немесе өлімге әкелуі мүмкін.
7.0 ТЕХНИКАЛЫҚ СИПАТТАМАЛАРЫ
7.1 Барлық жоғарғы және төменгі кронштейндер, арқан бағыттағыштары, ұстағыш арқан және бекіткіштер
гальванизацияланған немесе тот баспайтын болаттан жасалған. Қажет болса, материалдың техникалық
сипаттамалары туралы мәліметтерді алу үшін 3M Fall Protection компаниясына хабарласыңыз. Пайдаланушы
нұсқауларына сай орнатылса, Cabloc жүйесі CE (EN353-1:2014+A1:2017) талаптарына сай.
8.0 ЖАПСЫРМАЛАР, ИДЕНТИФИКАЦИЯЛЫҚ/ТОПТАМА НӨМІРЛЕРІ, ӨНДІРУ
КҮНДЕРІ
Cabloc тік арқандық қауіпсіздік жүйесінің жапсырмасын (10-суретті қараңыз) берік жапсырылған болуы және толығымен
оқылатын болуы керек:
1. Орнату күні
2. Орнатқан
3. Байланыс нөмірі
4. Әр жүйедегі ең көп пайдаланушылар саны
5. Жүйенің ұзындығы
6. Көтерілетін адамдар арасындағы ең аз қашықтық
7. Келесі қызмет көрсету күні
8. Жүйенің сериялық нөмірі
9. Көтерілу алдында барлық пайдаланушыларды толығымен оқыту керек.
10. Жоғарғы энергия сіңіргішпен бірге немесе онсыз пайдаланылатын жүйелер және әрбір конфигурация үшін
қабылдауға болатын арқан.
11. Осы нұсқаулықта қамтылған тік арқандық қауіпсіздік жүйесі муфтасының үлгілері.
Келесі Cabloc ажыратылатын арқан муфтасының жапсырмалары берік түрде жапсырылған және толығымен оқылатын
болуы керек:
11-суреттегі жапсырма, 6180200 үлгісі:
1. Үлгі нөмірі
2. «Жоғары» көрсеткісі
12-суреттегі жапсырма, 6180201 үлгісі
1. Үлгі нөмірі
2. «Жоғары» көрсеткісі
13-суреттегі жапсырма:
1. Муфта корпусының ЖОҒАРЫ бағдары.
2. Арқан муфтасының ең көп (макс.) пайдаланушы салмағын көтергіштігі және арқан муфтасын қауіпсіз пайдалану үшін
керек ең аз (мин.) пайдаланушы салмағы.
3. Арқан муфтасын пайдалану алдында пайдаланушы нұсқаулығын оқып шығыңыз.
4. Тиісті стандарт: EN353-1:2014+A1:2017: Жеке құлаудан қорғау жабдығы — Бағыттық түрге жататын құлау
тоқтатқыштары, соның ішінде анкерлік жолақ.
5. CE белгісі, 1019 = VVUU, CE қорғау сапасын басқару.
14-суреттегі белгілер:
1. Бума нөмірі және өндіру күні.
242