MIRKA 1230 L Instrucciones De Manejo página 133

Lestu vinsamlegast og farðu eftir öllum öryggisleiðbeiningum og aðgæslumerkingum fyrir notkun til þess að draga úr
hættu á eldsvoða, rafhöggi eða meiðslum. Búnaðurinn er hannaður þannig að hann er öruggur, sé hann notaður til
hreinsunar eins og til er ætlast. Verði einhverjar skemmdir á rafmagns- eða vélbúnaði, ber að láta gera við tækið og/eða
fylgihlut þess á til þess bæru þjónustuverkstæði eða hjá framleiðanda fyrir notkun til þess að komast hjá frekari skemmdum
á tækinu eða meiðslum notanda.
Ekki nota tækið með skemmdri leiðslu eða kló. Taktu í klóna, ekki leiðsluna, þegar tækið er tekið úr sambandi. Snertu
hvorki kló né tæki með votum höndum. Slökktu á öllum stjórnbúnaði áður en tækið er tekið úr sambandi.
Ekki toga í tækið eða bera það á rafmagnsleiðslunni, nota hana sem handfang, loka dyrum á hana eða láta hana liggja
um skarpar brúnir eða horn. Ekki láta vélina fara yfir leiðsluna. Haltu leiðslunni frá heitu yfirborði.
Haltu hári, lausum fatnaði, fingrum og öllum líkamshlutum frá opum og hreyfanlegum hlutum. Ekki stinga neinu inn í
opin eða nota tækið með tepptu opi. Gættu þess að hvorki ryk, ló, hár né annað sem dregið gæti úr loftflæði teppi op
tækisins.
Farðu sérlega varlega við hreingerningar á stigum.
Vinni tækið ekki rétt eða ef það hefur fallið niður, skemmst, verið skilið eftir utanhúss eða lent í vatni skal farið með það
á þjónustumiðstöð eða til seljanda.
Ekki má nota tækið sem vatnsdælu. Tækið er ætlað til þess að ryksuga blöndu lofts og vatns.
Settu tækið í samband við rétt jarðtengda innstungu. Aflúttakið og framlengingarleiðsla verða að hafa virkan varnarleiðara.
Tryggðu góða loftræstingu á vinnustað.
Ekki nota tækið sem stiga eða tröppu. Tækið getur oltið og orðið fyrir tjóni.
Notkun tækisins utanhúss verður að vera takmörkuð og aðeins stöku sinnum.
Rafmagnsleiðslan á ekki komast í snertingu við burstana sem snúast.
Rafmagnsleiðslan má ekki komast í snertingu við hluta sem snúast
Ekki er ætlast til þess að fólk (börn þar með talin) noti þetta tæki, búi viðkomandi við skerta líkamlega, skyn- eða andlega
getu eða skorti reynslu og þekkingu.
Börnum skal leiðbeint með að leika sér ekki með tækið.
Tækið er ætlað til notkunar í atvinnuskyni, til dæmis á hótelum, í skólum, sjúkrahúsum, verksmiðjum og verslunum, á
skrifstofum og í útleigufyrirtækjum.
Ekki yfirgefa tækið þegar það er í sambandi við rafmagn. Taktu tækið úr sambandi við rafmagn utan notkunar og fyrir
viðhaldsvinnu.
Ekki nota tækið við lágt hitastig utanhúss.
Ekki nota nema með síum ásettum.
Berist froða eða vökvi frá tækinu, skal slökkt á því án tafar.
Hættulegt ryk
Það getur leitt til alvarlegra og jafnvel lífshættulegra meiðsla að ryksuga hættuleg efni. Vélin má ekki soga upp eftirtalin
efni:
Heit efni (brennandi sígarettur, heita ösku o.s.frv.)
Eldfim, sprengifim eða tærandi efni (t.d. bensín, leysiefni, sýrur, alkalíefni o.s.frv.)
Eldfimt, sprengifimt ryk (t.d. magnesíum- eða álryk o.s.frv.)
Rafrænir íhlutir
Hætta: Í efri hluta tækisins er að finna íhluti með spennu. Séu íhlutir með spennu snertir, getur það leitt til
alvarlegra og jafnvel lífshættulegra meiðsla. Aldrei má úða vatni á efri hluta tækisins.
Hætta: Rafhögg vegna gallaðrar rafmagnsleiðslu. Það getur leitt til alvarlegra og jafnvel lífshættulegra meiðsla
að snerta gallaða rafmagnsleiðslu.
Ekki skaða rafmagnsleiðsluna (t.d. með því að aka yfir hana, toga í eða merja).
Skoðaðu reglubundið hvort rafmagnsleiðslan sé skemmd eða beri ummerki um slit.
Sé rafmagnsleiðsla skemmd, verður dreifingaraðili með umboð frá Mirka eða annar jafn hæfur einstaklingur að skipta
um hana til þess að forðast hættu.
Notandi ætti undir engum kringumstæðum að vefja rafmagnsleiðslunni um fingur sína eða aðra líkamshluta.
Í sprengifimu eða eldfimu andrúmslofti
Aðgæsla: Tækið hentar ekki til notkunar í sprengifimu eða eldfimu andrúmslofti eða þar sem þannig andrúmsloft
getur myndast af rokgjörnum vökva eða eldfimu gasi eða gufu.
Viðbótarviðvaranir
Mirka® Dust Extractor 1230 L - PC & AFC
is
133