Forritun Á Ferli Hurðar; Prófið Öryggisopnunarkerfið - LiftMaster LM3800W Manual Del Usuario

20 Forritun á ferli hurðar
Röng stilling á ferli hurðarinnar kemur í veg fyrir að öryggisopnunarkerfið starfi á réttan hátt. Prófa SKAL öryggisopnunar-
kerfið þegar ÖLLUM stillingum er lokið. Hurðin SKAL opnast aftur þegar hún snertir 40 mm hlut á gólfinu. Gætið þess að
hurðin lyftist nógu hátt og bilið sé fullnægjandi til að valda ekki skemmdum á ökutækjum.
Takmarkanir á ferli hurðarinnar ákvarða hvenær hurðin stöðvast þegar hún fer upp eða niður.
Hægt er að nota UPP- og NIÐUR-hnappana til að færa hurðina eftir þörfum á meðan hún er forrituð.
1. Haldið stillihnappinum inni (A) þar til UPP-hnappurinn (U) blikkar og/eða hljóðmerki heyrist.
2. Haldið UPP-hnappinum inni (U) þar til hurðin er í æskilegri EFRI stöðu.
3. Þegar hurðin er komin í æskilega EFRI stöðu skal ýta á og sleppa stillihnappinum (A). Ljósin á bílskúrshurðaopnaranum blikka tvisvar og
NIÐUR-hnappurinn (D) blikkar.
4. Haldið NIÐUR-hnappinum inni (U) þar til hurðin er í æskilegri NEÐRI stöðu.
5. Þegar hurðin er komin í æskilega NEÐRI stöðu skal ýta á og sleppa stillihnappinum (A). Ljósin á bílskúrshurðaopnaranum blikka tvisvar og
UPP-hnappurinn (U) blikkar.
6. Ýtið á UPP-hnappinn (U) og sleppið honum svo. Þegar hurðin færist í forritaða EFRI stöðu blikkar NIÐUR-hnappurinn (D).
7. Ýtið á NIÐUR-hnappinn (D) og sleppið honum svo. Hurðin fer í forritaða NEÐRI stöðu. Forrituninni er lokið.
Ef ljósin á bílskúrshurðaopnaranum blikka fimm sinnum á meðan forritun á ferli hurðar stendur hefur forritunin runnið út. Ljósið á bílskúrshurðaop-
naranum blikkar fimm sinnum ef greiningarbúnaðurinn fyrir vírstrekkingu er ekki settur upp eða ef hann skynjar of mikinn slaka á lyftivírnum. Gætið
þess að greiningarbúnaðurinn fyrir vírstrekkingu sé rétt upp settur og fylgið síðan þrepunum til að forrita feril hurðarinnar. Innrauðu ljósnemarnir eru
ekki rétt stilltir eða hindrun er á vegi þeirra ef ljósin á bílskúrshurðaopnaranum blikka tíu sinnum á meðan forritun á ferli hurðarinnar stendur. Þegar
skynjararnir eru rétt settir upp og engin hindrun er á vegi þeirra skal nota fjarstýringuna eða UPP- og NIÐUR-hnappana og láta hurðina fara heilan
feril upp og niður. Forrituninni er lokið. Endurtakið þrepin til að forrita feril hurðarinnar ef ekki er hægt að færa hurðina upp né niður.
21 Prófið öryggisopnunarkerfið
Rangt upp sett öryggisopnunarkerfi getur valdið ALVARLEGUM MEIÐSLUM eða DAUÐA (sérstaklega þegar um er að ræða
börn) þegar bílskúrshurðin lokast. Prófa SKAL öryggisopnunarkerfið á mánaðarfresti. Prófa SKAL öryggisopnunarkerfið
þegar ÖLLUM stillingum er lokið. Hurðin SKAL að fara upp aftur þegar hún snertir 40 mm háan hlut á gólfinu.
PRÓFUN
1. Opnið hurðina alveg og komið fyrir 40 mm plötu á gólfinu fyrir miðju hurðarinnar.
2. Ýtið á hnappinn á fjarstýringunni til að loka hurðinni. Hurðin SKAL fara upp aftur þegar hún kemst í snertingu við plötuna.
STILLING
Ef hurðin stöðvast en fer ekki upp aftur:
1. Farið aftur yfir uppsetningarleiðbeiningarnar og gætið þess að öllum þrepunum hafi verið fylgt;
2. Endurtakið hlutann fyrir forritun hurðarferils (sjá stillingarþrep 1, atriði 20);
3. Endurtakið hlutann varðandi öryggisopnunarkerfið.
Kallið á sérfræðing í hurðarkerfum ef hurðin stenst ekki prófið.
MIKILVÆG ÖRYGGISPRÓFUN:
Gerið prófun á öryggisopnunarkerfinu þegar eftirfarandi er lokið:
• Eftir að bil eru stillt.
• Viðgerðir eða stillingar á hurðinni (þ.m.t. gormum og festingum).
• Viðgerðir eða breytingar á yfirborði gólfflatar.
• Viðgerðir eða stillingar á bílskúrshurðaopnaranum.
9 / is