Publicidad
Idiomas disponibles
Idiomas disponibles
Пайдалану нұсқаулығының түпнұсқасы
Мазмұны
1. Сәйкестік бойынша мәлімдеме
2. Мақсатына сай пайдалану
3. Қауіпсіздік техникасы бойынша жалпы
нұсқаулар
4. Қауіпсіздік техникасы бойынша арнайы
нұсқаулар
5. Шолу
6. Орнату және тасымалдау
7. Құрылғының құрамдас бөліктері
8. Қолданысқа енгізу
9. Басқару
10. Техникалық қызмет және күтім көрсету
11. Пайдалы кеңестер
12. Керек-жарақтар
13. Жөндеу
14. Қоршаған ортаны қорғау
15. Мәселелер мен ақаулықтар
16. Техникалық деректер
1. Сәйкестік бойынша
мәлімдеме
Жеке жауапкершілігімізбен жариялаймыз: түрі
мен сериялық нөмірі бойынша
сәйкестендірілетін осы қапталдауыш және
қылқан кескіш аралар *1) директивалардың
*2) және стандарттардың барлық тиісті
қаулыларына *3). техникалық құжаттамаларға
сәйкес келеді *4) - 4-бетті қараңыз.
2. Мақсатына сай пайдалану
Қапталдауыш және қылқан кескіш ара
ұзындығынан және көлденеңінен кесуге,
еңіспен кесуге, қиғаш кесуге және қос қиғаш
кесуге арналған.
Тек KGS...: Оған қоса ойықтар жасауға
болады.
Тек тиісті ара төсемі үшін жарамды
материалдарды ғана өңдеуге болады (рұқсат
етілген ара төсемдерін 12. «Керек-жарақтар»
бөлімінен қараңыз).
Дайындамалардың рұқсат етілген өлшемдері
сақталуы тиіс (16. «Техникалық деректер»
бөлімін қараңыз).
Көлденең қимасы домалақ немесе
әдеттегіден тыс болатын дайындамаларды
(мысалы, отынды) аралауға болмайды, себебі
бұларды аралау кезінде берік бекіту мүмкін
болмайды. Жалпақ дайындамаларды тігінен
аралаған кезде, берік бағыттау үшін арнайы
көмекші тірек пайдаланылуы тиіс.
Кез келген өзге пайдалану түрі мақсатына
жатпайды. Мақсатынан тыс пайдалану,
құрылғыны модификациялау немесе өндіруші
тексермеген және рұқсат етпеген бөліктерді
пайдаланудан күтілмеген зақымдар пайда
болуы мүмкін!
3. Қауіпсіздік техникасы
бойынша жалпы нұсқаулар
Жеке басыңызды және электрлік
құралыңызды қорғау үшін осы белгі
қойылған мәтіндік үзінділерді
ұстаныңыз!
ЕСКЕРТУ – Жарақат алу қаупін азайту
үшін пайдалану бойынша нұсқаулықты
оқып шығыңыз.
Электрлік құралыңызды тек қана осы
құжаттармен бірге табыстаңыз.
Электр құралына арналған қауіпсіздік
техникасы бойынша жалпы нұсқаулар
ЕСКЕРТУ – Аталмыш электр
құралымен бірге берілген барлық
қауіпсіздік бойынша нұсқаулар, жалпы
нұсқаулар, суреттер мен техникалық
деректерді оқып шығыңыз. Төмендегі
нұсқауларды орындамау ток соғу, өрт және/
немесе ауыр жарақаттануға алып келуі мүмкін.
Қауіпсіздік техникасы және пайдалану
бойынша барлық нұсқауларды болашақта
пайдалану үшін сақтап қойыңыз! Қауіпсіздік
техникасы бойынша нұсқауларда
пайдаланылатын «электр құралы» атты
термин желіден қуат алатын электр
құралдарын (желілік кабелі бар) және
аккумулятордан қуат алатын электр
құралдарын (желілік кабелі жоқ) білдіреді.
3.1 Жұмыс орнының қауіпсіздігі
а) Жұмыс орнын таза ұстаңыз және жақсы
жарықтандырудың болуын қадағалаңыз.
Ретсіздік немесе қараңғы жұмыс аймақтары
жазатайым оқиғаларды тудыруы мүмкін.
ә) Жарылғыш ортада, сондай-ақ жанғыш
сұйықтықтарға, газдарға немесе шаңға
жақын жерде электр құралымен жұмыс
істемеңіз. Электр құралдары шаңды немесе
буды жандыруы мүмкін жалынды тудырады .
б) Электр құралын пайдалану барысында
балалар мен басқа да тұлғаларды құралдан
алшақ ұстаңыз. Басқа нәрсеге алаңдамаңыз,
өйткені құрылғыны бақылаудан шығарып
алуыңыз мүмкін.
3.2 Электрлік қауіпсіздік
а) Электр құралының штепсельдік ашасы
розеткаға сәйкес келуі тиіс. Штепсельдік
ашаны еш жағдайда өзгертпеңіз.
Қорғаныштық жерге тұйықтауы бар электр
құралдарындағы штепсельдік ашаларға
арналған адаптерлерді пайдаланбаңыз.
Өзгертілмеген ашалар мен жарамды
розеткалар ток соғудың қаупін азайтады.
ә) Құбырлар, жылытқыш батареялар,
плиталар және тоңазытқыштар секілді
жерге тұйықталған беттермен түйісуден
сақтаныңыз. Денеңіз жерге тұйықталған кезде
ток соғу тәуекелі артады.
б) Электр құралдарын жаңбырдан немесе
ылғалдан алшақ ұстаңыз. Электр құралының
ішіне судың кіруі ток соғу қаупін арттырады.
в) Жалғағыш кабельді пайдалану
мақсатынан тыс, мысалы, электр құралын
тасымалдау немесе асып қою үшін, сондай-
ақ ашаны штепсельдік розеткадан суыру
үшін пайдалануға тыйым салынады.
Жалғағыш кабельді жоғары
температураның, майлардың, өткір
жиектердің немесе құрылғының
қозғалмалы бөлшектерінің әсерінен
қорғаңыз. Зақымдалған немесе шатасып
қалған жалғағыш кабельдер ток соғу қаупін
арттырады.
г) Электр құралымен далада жұмыс істеген
кезде, далада жұмыс істеу үшін жарамды
ұзартқыш кабельдерді ғана пайдаланыңыз.
Далада жұмыс істеу үшін жарамды ұзартқыш
кабельді пайдалану ток соғу қаупін азайтады.
ғ) Электр құралын ылғалды жерде
пайдаланудан бас тарту мүмкін болмаған
жағдайда, дифференциалды токтың
автоматты ажыратқышын пайдаланыңыз.
Дифференциалды токтың автоматты
ажыратқышын пайдалану ток соғу қаупін
азайтады.
3.3 Адамдардың қауіпсіздігі
а) Мұқият болыңыз, әрекеттеріңізге назар
аударыңыз және электр құралымен жұмыс
істегенде ұқыпты болыңыз. Шаршаған
күйде немесе дәрі-дәрмек, алкоголь не
есірткі әсерінде болған кезде электр
құралын пайдалануға болмайды. Электр
құралын пайдалану барысындағы бір сәт
зейінсіздік ауыр жарақат алуға апарып соғуы
мүмкін.
ә) Жеке қорғаныс жабдығын және әрдайым
қорғаныш көзілдірікті тағып жүріңіз.
Респиратор, тайғамайтын қорғаныш аяқ киім,
қорғаныш каска немесе есту органдарын
қорғау құралдары секілді жеке қорғаныс
жабдығын пайдалану – электр құралын
қолдану саласы мен түріне қарай – жарақат
алудың қаупін төмендетеді.
б) Кездейсоқ қосылуынан сақтаныңыз.
Электр құралын қуат көзіне және/немесе
аккумуляторлық батареяға қоспас бұрын,
оны қолға алмас немесе тасымалдамас
бұрын, оның сөніп тұрғанына көз жеткізіңіз.
Егер электрлік құралды тасымалдау
барысында саусағыңыз ажыратқышта
орналасқан болса немесе қосылып тұрған
құрылғыны электр қуаты көзіне қосатын
болсаңыз, ток соғу қаупі артады.
в) Электр құралын қоспас бұрын реттегіш
құрал мен бұрауыштарды алып тастаңыз.
Құрылғының айналмалы бөлшектеріндегі
құрал немесе кілт жарақаттануға әкелуі мүмкін.
г) Дененің жөнсіз қалыпта болуынан
сақтаныңыз. Әрдайым дұрыс дене қалпын
және тепе-теңдік сақтаңыз. Осының
арқасында кездейсоқ жағдайларда электр
құралын жақсырақ бақылай аласыз.
ғ) Жарамды киім киіңіз. Бос киім мен
әшекейлерді киюші болмаңыз. Шашыңыз
бен киімді жылжымалы бөлшектерден
алшақ ұстаңыз. Бос киім, әшекейлер немесе
ұзын шаш жылжымалы бөлшектермен
тартылуы мүмкін.
д) Шаңсорғыш және шаңжинағыш
құрылғылар орнатылуы мүмкін болғанда,
олардың жалғанғанына және дұрыс
пайдаланылуына көз жеткізіңіз.
Шаңсорғышты пайдалану кезінде, шаң зиян
келтіруі мүмкін.
е) Электр құралын біраз уақыт пайдаланған
соң онымен таныс болсаңыз да, қауіптер
туралы ешқашан ұмытпаңыз және электр
құралы бойынша қауіпсіздік ережелерін
бұзуға әрекеттенбеңіз. Абайсыз әрекет ету
бірнеше секундта ауыр жарақаттануға алып
келуі мүмкін.
3.4 Электрлік құралды пайдалану
және оған күтім көрсету
a) Құрылғыға артық жүктеме түсірмеңіз.
Жұмыс істеу үшін осыған арналған электр
құралдарын ғана пайдаланыңыз. Жарамды
электр құралымен аталған қуаттылық
диапазонында жақсырақ және сенімдірек
жұмыс істейсіз.
ә) Ажыратқышы зақымдалған электр
құралын пайдаланбаңыз. Қосуға немесе
сөндіруге келмейтін электр құралы қауіпті
болып табылады және жөндеуге жатады.
б) Құрылғыны реттеу, керек-жарақтарын
ауыстыру немесе құрылғыны сақтауға
орналастыру жұмыстарын жүзеге асырмас
бұрын штепсельдік ашаны розеткадан
суырыңыз және/немесе алмалы-салмалы
аккумуляторлық батареяны шығарып
алыңыз. Осы сақтық шарасы электр
құралының абайсыз іске қосылуына жол
бермейді.
в) Пайдаланылмайтын электр құралдарын
балалардың қолы жетпейтін жерде
сақтаңыз. Осы нұсқауларды оқымаған
немесе олармен таныс емес тұлғаларға
құрылғыны пайдалануға рұқсат бермеңіз.
Электр құралдары тәжірибесіз тұлғалардың
қолында қауіпті болады.
г) Электр құралдарына және керек-
жарақтарға мұқият күтім көрсетіңіз.
Қозғалмалы бөлшектерінің мінсіз жұмыс
істеуін, электр құралының функцияларына
әсерін тигізуі мүмкін қажалудың және
сынған немесе зақымдалған бөлшектердің
болмауын тексеріңіз. Құрылғыны
пайдаланар алдында зақымдалған
бөлшектері жөнделуі тиіс. Көптеген
жазатайым оқиғалардың себебі – нашар күтім
көрсетілген электр құралдары.
ғ) Кескіш құралдарды өткір және таза күйде
ұстаңыз. Мұқият күтім көрсетілген және кескіш
жиектері өткір болатын кескіш құралдар сирек
қысылады және оңайырақ бағытталады.
д) Электр құралын, керек-жарақтарды,
жұмыс құралдарын және т.б. осы
нұсқауларға сәйкес пайдаланыңыз. Бұл
ретте жұмыс шарттарына және
орындалатын әрекеттерге назар
аударыңыз. Электр құралдарын олардың
пайдаланылуы үшін көзделмеген басқа
әрекеттерді орындау үшін пайдалану қауіпті
жағдайларды тудыруы мүмкін.
е) Тұтқалар мен тұтқаны ұстайтын беттерді
құрғақ, таза және майсыз күйде ұстаңыз.
Жылпылдақ тұтқалар мен тұтқаны ұстайтын
беттер күтілмеген жағдайларда электр
құралын қауіпсіз пайдалануға және бақылауға
жол бермейді.
ҚАЗАҚША kk
121
Publicidad
