Atos PROVOX Vega Instrucciones De Uso página 101

2.5 Ferlinu lokið
Eftir ísetningu:
Tryggðu að ventillinn passi vel
1. Tryggðu rétta staðsetningu talventilsins með því að snúa og toga varlega
í ísetningarpinnann (mynd 17). Ventillinn er í réttri stöðu þegar öryggisólin vísar
niður.
Prófaðu rétta virkni
2. Burstaðu Provox Vega með Provox Brush. Prófaðu rétta virkni ventilsins með því
að biðja sjúklinginn um að tala og með því að fylgjast með því hvort ventillinn
leki á meðan sjúklingurinn drekkur vatn (mynd 18).
Klipptu öryggisólina
3. Eftir að tryggt hefur verið að talventlinum hafi verið komið fyrir á réttan hátt
skaltu klippa öryggisólina þannig að hún flútti við barkakragann (mynd 19).
Provox Vega talventillinn er nú tilbúinn til notkunar.
3. Mikilvægar upplýsingar fyrir sjúklinga
3.1 Almennar upplýsingar
Tryggðu að sjúklingurinn skilji að hann þurfi að hafa samband við lækninn ef
um er að ræða:
• Leka í gegnum eða í kringum ventilinn (hósti og/eða breyting á lit slíms).
• Talerfiðleika (aukin áreynsla og/eða röddin hljómar þvingaðri).
• Merki um bólgu eða breytingar koma fram í vefjum í kringum opið eða barkaraufina
(verkur, roði, hiti, bólga, vottur af blóði á bursta eftir burstun).
Láttu sjúklinginn einnig vita að:
• Hugsanlegt er að vottur af blóði sé til staðar í hráka eftir skipti á ventli. Það getur
komið frá holdgunarvef á brúnum TE-opsins.
• Provox Vega Plug má nota til að stöðva tímabundið leka í gegnum talventilinn.
• Mælt er með talþjálfun hjá þjálfuðum heilbrigðisstarfsmanni til að ná fram
ákjósanlegu raddhljóði, reiprennandi tali og ákjósanlegum skiljanleika.
3.2 Viðhald ventla
Leiðbeindu sjúklingnum um hvenær og hvernig hann eigi að hreinsa Provox Vega
talventilinn. Hreinsun á ventlinum a.m.k. tvisvar á dag getur hjálpað til við að lengja
líftíma tækisins.
VARÚÐ: Notaðu eingöngu upprunalega Provox fylgihluti sem ætlaðir eru til
notkunar með Provox Vega við hreinsun á ventlinum.
• Burstun ventilsins með Provox Brush tvisvar á dag hjálpar til við að fjarlægja slím og
matarleifar úr ventlinum.
• Skolun ventilsins með Provox Flush hjálpar einnig til við að hreinsa leifar og slím úr
ventlinum sem getur hjálpað til við að lengja líftíma tækisins.
Athugið: Provox Flush er eingöngu ætlað til notkunar hjá sjúklingum sem hafa,
samkvæmt mati læknisins sem ávísar tækinu, sýnt fram á getu til að skilja og fylgja
stöðugt notkunarleiðbeiningum án eftirlits heilbrigðisstarfsmanns.
• Talið er að tilteknar matarvenjur, eins og dagleg inntaka á jógúrt eða súrmjólk sem
inniheldur mjólkursýrugerla, gagnist vel gegn óhóflegum vexti hvítsveppa.
Nánari upplýsingar um hvernig hreinsa á Provox Vega er að finna í leiðbeiningum
fyrir hvern fylgihlut.
4. Aukaverkanir/upplýsingar um bilanaleit
Nánari upplýsingar um aukaverkanir og bilanaleit má finna á www.provoxweb.info.
5. Frekari upplýsingar
5.1 Samhæfi við segulómun, myndgreiningu og
geislameðferð
Provox talventlar (nema Provox ActiValve) hafa verið prófaðir og reynst samhæfir
við segulómun (prófað upp að 3 Tesla), myndgreiningu og geislameðferð (prófað upp
að 70 Gy). Skilja má ventlana eftir í TE-opinu meðan á rannsókn/meðferð stendur.
Athugið að geislaþétta ventilsætið er sýnilegt á röntgenmynd.
5.2 Endingartími tækis
Líftími tækisins er mismunandi og er háður einstaklingsbundnum líffræðilegum þáttum,
því er ekki hægt að spá fyrir um endingu búnaðarins yfir lengra tímabil. Efnið í tækinu
verður fyrir áhrifum meðal annars af bakteríum og gersveppum, sem mun að lokum hafa
áhrif á heilleika tækisins.
Prófanir á eftirlíkingu af notkun á 12 mánaða prófunartíma sýna að tækið muni halda
heilleikanum á þessu tímabili þegar baktería og gersveppir eru ekki til staðar. Tækið
hefur ekki verið prófað fyrir notkun lengur en í 12 mánuði. Notkun utan þessara marka
er samkvæmt ákvörðun ávísandans.
5.3 Samhæfi með sveppalyfjum
Prófanir sýna aðeins minniháttar neikvæð áhrif á virkni Provox Vega talventilsins og
íhlutanna við notkun á eftirfarandi sveppalyfjum: Nystatín, Flúkónazól, Míkónazól.
101