inhealth technologies Blom-Singer Instrucciones De Uso página 104

Blom-Singer Inniliggjandi raddventlar
®
nota beitt eða sagtennt áhöld, slíkt getur valdið skemmdum á raddventlinum eða hlauphylkinu.
6. Vélindakraginn á að vera brotinn fram á við og vera alveg inni í hlauphylkinu (skýringarmynd 8).
Ísetning raddventils
1. Setjið raddventilinn á ísetningarpinnann og festið öryggisólina á öryggispinnann (skýringarmynd 9).
2. Biðjið sjúklinginn að kyngja ekki meðan víkkari eða mælibúnaður er fjarlægður til að koma í veg
fyrir að munnvatn komist í barkann áður en raddventillinn er settur inn.
3. Berið þunnt lag af vatnsleysanlegu smurefni (ekki vaselín-efni) á enda raddventilsins inni
í hlauphylkinu og komið enda raddventilsins fyrir í barka- og vélindaástungunni þannig
að öryggisólin vísi upp. Setjið raddventilinn alveg inn í barka- og vélindaástunguna þar til
barkakragi hans liggur þétt við baklæga slímhúð barkans.
4. Haldið raddventlinum í þessari stöðu í að minnsta kosti þrjár mínútur til að hlauphylkið
leysist upp og sleppi vélindakraganum inni í vélindanu. Ráðleggja skal sjúklingum að kyngja
munnvatni til að flýta fyrir því að hlauphylkið leysist upp.
5. Staðfestið að vélindakraginn hafi opnast: Snúið raddventlinum á ísetningarpinnanum meðan
hann er í barka- og vélindaástungunni. Ef vélindakraginn hefur opnast og situr upp við fremri
vegg vélindans mun raddventillinn snúast auðveldlega á ísetningarpinnanum í barka- og
vélindaástungunni. Ef hlauphylkið hefur ekki leyst upp eða ef vélindakraginn er ranglega
staðsettur í barka- og vélindaástungunni sjálfri í stað þess að vera inni í vélindanu má finna
talsverða mótstöðu gegn snúningi raddventilsins.
6. Losið öryggisólina af öryggispinnanum á ísetningarpinnanum. Setjið fingur við öryggisólina
og dragið ísetningarpinnann varlega úr raddventlinum með snúningi. Festið öryggisól
raddventilsins við hálsinn með því að setja viðeigandi límband yfir öryggisólina.
Viðvörun: Gæta skal varúðar þegar ísetningarpinninn er fjarlægður svo raddventillinn færist
ekki til, sem gæti hugsanlega valdið því að hann berist í öndunarveg sjúklings.
7. Metið getu sjúklings til raddmyndunar úr barka- og vélindaopinu. Lokun barkaraufar með
fingri beinir loftflæðinu frá barkanum. Ef raddventillinn er rétt staðsettur og hlauphylkið hefur
leyst upp að fullu ætti loftflæðið að opna flipalokann og berast inn í vélindað, þannig verður
raddmyndun gegnum barka- og vélindaopið möguleg (skýringarmynd 10).
8. Látið sjúklinginn drekka vatn til að ganga úr skugga um að enginn leki sé í gegnum
raddventilinn eða umhverfis hann (skýringarmynd 11).
Staðfesting á virkni loka og opnun vélindakraga (ekki tvöfaldur loki)
Ef ekki tekst að staðfesta rétta opnun og staðsetningu vélindakragans með ofangreindum
aðferðum gæti læknirinn þurft að meta hvort hlauphylkið hafi leyst upp að fullu og
vélindakraginn hafi opnast með því að opna einstefnuflipalokann á þeim hluta raddventilsins
sem liggur inni í vélindanu með léttri snertingu. Beinið skæru ljósi inn í raddventilinn til að
hægt sé að sjá flipalokann á nærlæga endanum. Færið oddlausa endann (ekki bómullarendann)
á bómullarpinna hægt og gætilega inn í raddventilinn þar til flipalokinn opnast við létta
snertingu. Flipaloki sem opnast ekki við létta snertingu gæti verið vísbending um að kragi
hafi ekki opnast eða að viðsnúningur á flipaloka trufli virkni lokans. Ef ábending fyrir því er til
staðar er hægt að fá beina sýn á opnun vélindakragans með sveigjanlegri holsjá. Ef ofangreindar
matsaðferðir veita ekki fullnægjandi staðfestingu á að vélindakragi hafi opnast með réttum
hætti skal fjarlægja raddventilinn, víkka barka- og vélindaástunguna og mæla hana á ný, og
endurtaka ísetningar- og staðfestingarferlið.
Staðfesting á virkni loka og opnun vélindakraga (tvöfaldur loki)
Til að liðka fyrir opnun vélindakragans á inniliggjandi raddventli með tvöföldum loka hefur
ísetningarpinninn verið hannaður þannig að hann fari ekki alveg inn í raddventilinn. Hann ætti
að færast sýnilega áfram inn í raddventilinn innan þriggja mínútna og gefa lækninum þannig til
kynna að hlauphylkið hafi leyst upp og að vélindakraginn hafi opnast. Til að staðfesta virkni loka
skal nota litla eyrnamergssköfu eða tæki af svipaðri stærð til að opna barkalokann gætilega um
leið og sjúklingurinn kyngir munnvatni eða vatni. Þá ætti læknirinn að sjá vélindalokann í réttri
stöðu á hinum endanum og án leka.
104 I 37924-01B