Publicidad
Idiomas disponibles
Idiomas disponibles
2. Հաստատեք գործիքի ճիշտ տեղադրությունը՝ շոշափելով տրախեան բացվածքի ցանկալի
հաստվածում։ Լրացուցիչ տեսողական և/կամ լուսարձակվող ուղղորդման համար կարող
է օգտագործվել շարժուն էնդոսկոպը (Նկ. 3.2)։
3. Տեղադրեք Puncture Needle-ը բացվածքի ճիշտ տեղից (մոտ 8-10 մմ՝ տրախեոստոմայի
եզրից), քանի դեռ ասեղի ծայրը չի հասել գործիքի ներսի կողմի պատին (Նկ. 2.3)։
4. Տեղադրեք Guidewire հաղորդիչը Puncture Needle-ի հանգույցի մեջ։ Հրեք Guidewire
հաղորդիչն ասեղի մեջ, գործիքի լուսանցքով վեր, քանի դեռ այն դուրս չի եկել մոտ 20 սմ
երկարությամբ գործիքի հակառակ կողմից (Նկ. 3.4)։
ԶԳՈՒՇԱՑՈՒՄ․ Միշտ համոզվեք, որ Guidewire հաղորդիչը դուրս է գալիս գործիքի
լուսանցքից, որն ընտրել եք ըմպանի պաշտպանության համար։ Այլապես, առկա է (ենթա)
լորձաթաղանթի վնասվածքի վտանգ և գործընթացը պետք է վերսկսել (տեսեք Անցանկալի
երևույթներ և խափանաշտկման տեղեկություններ բաժինը, ինչպես նաև Բացվածքի
հավաքածուի վերբեռնման հրահանգները)։
5. Հեռացրեք Puncture Needle-ը (Նկ. 3.5)։
ԶԳՈՒՇԱՑՈՒՄ․ Միշտ հեռացրեք ասեղը, նախքան գործիքը հեռացնելը։ Առկա է էզոֆագիալ
հյուսվածքի վնասման վտանգ։
6. Հեռացրեք ըմպանի պաշտպանության համար կիրառվող գործիքը։ Մինչ շարունակելը
տեղում պետք է մնա միայն Guidewire հաղորդիչը (Նկ. 3.6)։
7. Տեղադրեք Guidewire հաղորդիչը էզոֆագիալ կողմից Puncture Dilator-ի նեղ կողմից և
սեղմեք Guidewire հաղորդիչը, քանի դեռ այն դուրս չի եկել Puncture Dilator-ի ելքի անցքից
մոտ 10 սմ երկարությամբ (Նկ. 3.7)։
8. Բռնեք Guidewire հաղորդիչի եզրից և տեղադրեք այն անցքի մեջ՝ Puncture Dilator-ի ելքի
անցքի մոտ (Նկ. 2.8)։
9. Ամրացրեք Guidewire հաղորդիչը՝ քաշելով այն Puncture Dilator-ի նեղ եզրից և համոզվեք,
որ այն ամրացված է Puncture Dilator-ում (Նկ. 3.9)։
ԶԳՈՒՇԱՑՈՒՄ․ Համոզվեք, որ Guidewire հաղորդիչն ամուր կապակցված է Puncture
Dilator-ի Wirelock դիրքում։ Եթե Guidewire հաղորդիչն ամուր արգելափակված չէ Wirelock
դիրքում, Guidewire հաղորդիչը կարող է առանձնանալ Puncture Dilator-ից և Puncture
Dilator-ը կարող է հայտնվել էզոֆագուսում՝ պահանջելով առբերում հավել յալ գործիքների
օգտագործմամբ (օր․՝ ըմպանի ունելիներ)։
10. Օգտագործեք շարունակական, հանգիստ շարժում, ընդլայնեք բացվածքի հատվածը՝
խնամքով քաշելով Guidewire հաղորդիչը բացվածքի միջով, քանի դեռ Puncture Dilator-ի
հաստ ծայրը չի անցել բացվածքի միջով։ Ընդլայնման ընթացքում պահեք տրախեոէզոֆագեալ
հյուսվածքը (օրինակ՝ երկու մատով), որպեսզի նվազեցնեք ընդլայնման ուժը։ Ավելի լավ
վերահսկման համար ամուր պահեք Guidewire հաղորդիչը Puncture Dilator-ին մոտ (Նկ.
3.10)։
ԶԳՈՒՇԱՑՈՒՄ․ Ձայնային պրոթեզի ընդլայնումը և սերտ տեղադրումը պետք է
իրականացվի արտաքին/կաուդալ ուղղությամբ՝ սահմանափակելով կողային շարժումը,
որպեսզի սահմանափակեք տրախեոէզոֆագեալ պատի վրա կիրառվող ուժը։
11. Այդ նույն շարունակական, հանգիստ շարժման միջոցով խնամքով քաշեք Guidewire
հաղորդիչը, Puncture Dilator-ը և Puncture Dilator-ի հանգույցը բացվածքի միջով։ Puncture
Dilator-ի հանգույցը պարուրում է ձայնային պրոթեզի տրախեալ կափույրը, քանի դեռ
հանգույցը քաշվում է կափույրի վրայով և բացվածքի միջով։ Տրախեալ կափույրը բացվում
է տրախեայումմ երբ հանգույցը թուլացնում է այն (Նկ. 3.11)։
Անմիջապես դադարեցրեք այն քաշելը, երբ տրախեալ կափույրը բաց է թողնվում Puncture
Dilator-ի հանգույցի կողմից։ Եթե տրախեալ կափույրն ամբողջովին չբացվի, այն կարող է
պտտվել տեղում՝ օգտագործելով երկու ոչ-ատամնավոր բռնակները:
12. Բռնեք տրախեալ կափույրը ոչ-ատամնավոր բռնակներով, պտտեք պրոթեզը ճիշտ
ուղղությամբ, ապա կտրեք անվտանգության ժապավենը (Նկ. 3.12)։
2.2.3 Բացվածքի հավաքածուի վերբեռնում
www.atosmedical.com/reload-of-the-puncture-set
ԶԳՈՒՇԱՑՈՒՄ․ Provox Vega Puncture Set-ի վերբեռնումը չի կարող կատարվել, եթե ձայնային
պրոթեզի անվտանգության ժապավենը կտրված է կամ վնասված առաջին տեղադրման փորձի
ժամանակ։
Եթե գործողությունը պետք է նորից սկսվի, Provox Vega Puncture Set-ը կարող է վերբեռնվել։
Համակարգը վերբեռնելու համար՝
1. Սեղմեք Guidewire հաղորդիչը Puncture Dilator-ի նեղ մասից, քանի դեռ Guidewire հաղորդիչը
չի թուլացել Wirelock-ից (Նկ. 4.1-4.2)։
2. Քաշեք Guidewire հաղորդիչը Puncture Dilator-ի միջով (Նկ. 4.3)։
3. Վերբեռնեք Vega ձայնային պրոթեզը Puncture Dilator-ի օղակի միջով (Նկ. 4.4)։
ԶԳՈՒՇԱՑՈՒՄ․ Անվտանգության ժապավենը և ձայնային պրոթեզի տրախեալ կափույրը
պետք է ուղղված լինեն Puncture Dilator-ի ժապավենի և Wirelock-ի ուղղությամբ, երբ այն
տեղադրված է Puncture Dilator-ի հանգույցի մեջ (Նկ. 4.4)։
4. Եթե անհրաժեշտ է, Guidewire հաղորդիչը կարող է ուղղվել՝ նորից տեղադրում ապահովելու
համար։
5. Հետևեք «2.2 Տեղադրման հրահանգներին»։
2.3 Մաքրում և ախտազերծում
Բացվածքի հավաքածուի, ինչպես նաև ձայնային պրոթեզի վիրաբուժական բաղադրիչները
ստերիլ են (EO) և նախատեսված են մեկանգամյա օգտագործման համար միայն և ՉԵՆ կարող
մաքրվել կամ նորից ախատազերծվել։
Տեղադրումից հետո ձայնային պրոթեզը պետք է պարբերաբար մաքրվի հիվանդի կողմից,
քանի դեռ պրոթեզը գտնվում է հիվանդի մարմնում (տեսեք պրոթեզի պահպանումը ստորև)։
2.4 Կարևոր տեղեկատվություն հիվանդի համար
Տեղեկացրեք հիվանդին, որ․
• Պրոթեզը վերատեղադրելուց/փոխարինելուց հետո խորխի մեջ կարող են լինել արյան
հետքեր։
• Ժամանակ առ ժամանակ կարող է լինել թեթև արտահոսք պրոթեզի միջով կամ դրա շուրջ՝
պրոթեզի տեղադրումից հետո առաջին շաբաթների ընթացքում։ Սա հաճախ լուծվում է
ինքնաբերաբար և չի պահանջում պրոթեզի անմիջական փոխարինում։
• Խորհուրդ է տրվում հիվանդի հետ խոսքի զարգացման պաթոլոգի օգնությամբ անցկացնել
պրոթեզով խոսելու ունակությունները զարգացնող դասընթացներ, խորհուրդներ տալ
խոսքը ավելի հստակ ու հասկանալի դարձնելու համար:
Հիվանդը պետք է անհապաղ դիմի իր բժշկին, եթե․
• Պրոթեզի նյութի տեսքի վրա դիտվում են փոփոխություններ կամ թե ինչպես է այն
տեղադրված բացվածքում։
• Ուտելու և/կամ խմելու ընթացքում կարող է առաջանալ արտահոսք, և պրոթեզի մաքրումը
չի օգնում։ Provox Vega Plug-ը կարող է ժամանակավորապես օգտագործվել կանխելու
արտահոսքն ուտելու և խմելու ընթացքում, քանի դեռ սարքը կարող է փոխարինվել։
• Խոսելը դառնում է դժվար (ավելի շատ ջանք է պահանջվում), և մաքրումը չի օգնում։
• Բացվածքի համակարգի շուրջ կամ դրա վրա կան բորբոքման կամ հյուսվածքի
փոփոխության նշաններ։
148
Publicidad
