PROVOX Vega Manual De Instrucciones página 71

• TRYGGIÐ að stýrivírinn sé settur í gegnum nálina og gegnum holið á Pharynx Protector til að
hann skaði ekki barka- og vélindavegginn.
• TRYGGIÐ að stungunálin sé fjarlægð áður en Pharynx Protector er tekinn úr. Stungunálin getur
valdið vefjaskemmdum ef Pharynx Protector er ekki notaður rétt.
• TRYGGIÐ að víkkarinn sé settur upp á vélindaenda stýrivírsins en ekki barkaendanum.
Framkvæma skal víkkunina í áttina aftur-fram (e. posteroanterior). Ef víkkað er í ranga átt leiðir
það til þess að talventillinn er settur öfugt í, en það veldur ásvelgingu og að sjúklingur getur ekki
talað.
• EKKI MÁ draga stýrivírinn til baka í gegnum stungunálina. Það getur valdið skemmdum á
stýrivírnum og hann getur klippst eða rispast. Ef draga þarf stýrivírinn til baka skal fjarlægja
stýrivírinn og stungunálina samtímis sem eina heild, til að hindra að stungunálin skemmi stýrivírinn.
• EKKI MÁ nota tennta æðatöng eða önnur áhöld sem geta skemmt vöruna.
Barka- og vélindaástunga eftir barkakýlisnám (secondary puncture)
• EKKI MÁ nota meðfylgjandi Pharynx Protector við ástungu eftir barkakýlisnám. Hann er
eingöngu ætlaður til notkunar við ástungur samhliða barkakýlisnámi.
• TRYGGIÐ að kok-/vélindavefurinn sé nægilega vel varinn, t.d. með því að nota stífa holsjá áður
en barka- og vélindaástunga eftir barkakýlisnám er framkvæmd.
Eftir skurðaðgerð
Notkun talventilsins
Tilfærsla eða útpressun á Provox Vega-talventlinum, úr barka- og vélindaástungunni, getur átt sér
stað, með þeim afleiðingum að fæða eða vökvi berist í barkann eða vefjaskemmdir eigi sér stað. Sjá
kaflann „Aukaverkanir og upplýsingar um úrræðaleit" hér á eftir til að fá frekari upplýsingar um
þessi tilvik og hvernig koma má í veg fyrir þau.
Aðgerðir til að draga úr hættu á tilfærslu og útpressun og hugsanlegum afleiðingum þess:
• VELJIÐ rétta stærð af talventli (þ.e. lengd). Þrengsli vegna of stutts talventils getur valdið
vefjadrepi og útpressun.
• RÁÐLEGGIÐ sjúklingnum að nota eingöngu upprunalega Provox-fylgihluti í samsvarandi stærð
og þvermáli (t.d. Brush, Flush, Plug) til viðhalds og að forðast alla aðra meðhöndlun.
• RÁÐLEGGIÐ sjúklingnum að hafa tafarlaust samband við lækni ef einhver merki eru um bjúg í
vefjum og/eða bólgu/sýkingu.
• VELJIÐ barkaslöngur eða barkaraufarhnappa, ef slíkt er notað, með hentugri lögun sem ekki þrýsta
á talventilinn við notkun og festast ekki í barkakraga talventilsins við ísetningu og fjarlægingu
barkaslöngunnar eða barkaraufarhnappsins.
1.5 VARÚÐARRÁÐSTAFANIR
Ávallt skal meta hvort vefurinn á svæðinu þar sem barka- og vélindaástungan verður gerð sé
hentugur. Í þeim tilvikum sem vefurinn er ekki hentugur, t.d. vegna mikillar örvefsmyndunar eða
bandvefsmyndunar vegna geislunar skal framkvæma aðgerðina með mikilli varúð og hætta við hana
ef víkkunin á barka- og vélindaopinu krefst þess að of miklu afli sé beitt.
• METIÐ vandlega sjúklinga með blæðingarsjúkdóma og sjúklinga sem fá blóðþynningarmeðferð
með tilliti til blæðingarhættu fyrir ástungu eftir barkakýlisnám og þegar talventli er komið fyrir.
• NOTIÐ alltaf smitgátartækni við meðhöndlun á stungusettinu til að draga úr sýkingarhættu.
• FJARLÆGIÐ Pharynx Protector áður en byrjað er að víkka opið. Ef reynt er að ljúka aðgerðinni
án þess að fjarlægja Pharynx Protector getur talventillinn setið fastur inni í Pharynx Protector.
• TRYGGIÐ að stýrivírinn sé þræddur rétt og í læstri stöðu í vírlásnum. Ef honum er ekki læst rétt
getur stýrivírinn losnað úr vírlásnum og valdið því að ekki er hægt að ljúka aðgerðinni.
• FRAMKVÆMIÐ víkkunina og ísetningu talventilsins ávallt hægt og rólega án þess að beita of
miklu afli. Annars geta vefjaskemmdir átt sér stað.
• STYÐJIÐ við barka- og vélindavefinn á meðan víkkun fer fram. Annars getur hann rofnað. Ef
barka- og vélindavefurinn rofnar skal hætta við ástunguna og sauma rifuna tafarlaust. Aðeins má
endurtaka barka- og vélindaástunguna þegar vefurinn hefur gróið að fullu.
• EKKI MÁ endurhlaða eftir að öryggisólin á talventlinum hefur verið klippt af því þá er
öryggisbúnaðurinn ekki lengur öruggur, og hætta er á að talventillinn færist til meðan á aðgerð
stendur.
1.6 Aukaverkanir og upplýsingar um úrræðaleit
1.6.1 Við notkun á stungusettinu
Áverkar á slímhúð (slímubeð)
Við ástunguna gæti stungunálin eða stýrivírinn valdið áverkum á slímhúð (slímubeð) ef Pharynx
Protector er ekki í réttri stöðu eða ef ástungan er framkvæmd með röngum hætti. Ef grunur leikur á
skaða á slímhúð (slímubeð) er ráðlagt að gefa sjúklingnum fyrirbyggjandi meðferð með sýklalyfjum
eftir aðgerðina og næringu í gegnum magaslöngu um nef, eða á annan sambærilegan hátt, til að
leyfa sárinu að gróa.
Endurtekin ástunga
Ef Pharynx Protector er ekki komið rétt fyrir við ástunguna, eða nauðsynlegt er að endurtaka
ástunguna af einhverjum ástæðum, skal meta vefinn með tilliti til hugsanlegra áverka í slímubeðinum
og framkvæma ástunguna aftur með Pharynx Protector í réttri stöðu.
Ef gleymst hefur að fjarlægja Pharynx Protector
Ef víkkarinn er tengdur við stýrivírinn áður en Pharynx Protector er fjarlægður er ekki hægt að ljúka
aðgerðinni. Í slíku tilviki skal aftengja víkkarann frá stýrivírnum og fjarlægja Pharynx Protector.
Sjá einnig „Endurhleðsla" hér á eftir.
Endurhleðsla
Í einhverjum tilfellum gæti þurft að endurhlaða víkkarann; t.d. ef talventillinn er togaður alveg í
gegnum opið þegar honum er komið fyrir. Lýsingu á aðferð við endurhleðslu er að finna í kafla 2.2.3
og skýringarmyndir af henni eru í myndalið 4.
1.6.2 Við notkun á talventlinum
Tilfærsla á talventli– Talventillinn getur færst til vegna sýkingar og/eða bjúgs við barka- og
vélindaopið, holdgunar eða mikillar örmyndunar í kringum opið. Tilfærsla kann að leiða til ásvelgingar
eða kyngingar á talventlinum. Sjá hér á eftir.
71